.::  النظام الذكي  :::. كافة خدمات الحاسوب :: صيانة :: برمجة :: إكسسوار ::
 ريف دمشق - دوما - شارع الجلاء - هاتف57393979 - 57393977 -5732013
 
 

شاطر
استعرض الموضوع السابقاذهب الى الأسفلاستعرض الموضوع التالي
avatar
الإدارة العامة
الإدارة العامة
تاريخ التسجيل : 25/08/2009
المشاركات : 44
معاينة صفحة البيانات الشخصي للعضو

أنواع البنات على الماسنجر

في 03/09/09, 01:52 pm
lol! العاقلة :

لما تفتح الماسنجر مابتحكي مع حدا.. بتستنى الكل يرحب فيها وهي بتبتسم و بتقول شكرا..
واذا حدا ارسل لها فايل أو رابط غنية بتحطلو علامة استفهام وبتسكت نص ساعة مابتحكي معو..
ولما تكون متحمسه بالحكي.. تكتب كل كلمة بسطر وتحط انتر.. تخاف من الاخطاء الاملائية.
وضحكتها عبارة عن ابتسامة واذا كانت مبسوطة كتييييير تحط 3 ابتسامات.



المصلحجية :
ما بتسلم عليك إلا مرة بالشهر.. بتدخل عليك فجأة و بتحط لك وردة.. مع إنها كل يوم موجودة وساكتة..
و دائما بتحطلك مشغول .. واذا احتاجت مساعدة بتجي لعندك و بتسلم عليك وتقول : وينك من زمان ماشفتك؟ ليش ما عم تسال عني؟
على فكرة أختي كل يوم عم تفتح ماسنجري و أنا بوصيها تبلغك سلامي لأني مشغووولة كتيييير بالدراسة.. (حلو الكش )
وبعد ما تخلص مصلحتها بتقلك : عن إذنك بدي روح كمل دراستي و أختي رح تعد محلي لا تحكي معها بليز .

الرسميـة :

بترتب المجموعات إلى قسم العائلة و قسم الزملاء فقط.. طبعا ما في قسم أصدقاء.. وأغلب حكيها : احترم حالك..
لو سمحت هي شغلات خاصة فيني.. ولما تسالها شو أخبارك؟ بترد : أنا بخير وبتسكت.. واذا سلمت عليها ترد وعليكم وتسكت..
ولما تعطيها اهداء بتقلك ليش أنا بالذات؟ وأغلب وقتها تقرا مواضيع .. و بتعشق برنامج الاتجاه المعاكس.


الهبلــة :

هي كل حكيها ضحك.. و كل شوي بتكتب نكتة و بتضحك لحالها.. وضحكتها طويلة تقريبا 3 سطور..
واغلب حكيها بالصور.. بتحط كل صور الماسنجر و أغلاطها الإملائية كثيرة.. وتجمع أكتر من شخص بصفحة وحدة.. و بتحكي عن 3 مواضيع بوقت واحد..
و بتقرا العناوين الرئيسية بالجريدة و بتجي تحكي عنها.. ( كأنها متابعة الاحداث العالمية )
وكل دقيقة بتغير الصورة الجانبية.. والنك.. ولون الخط .


المسترجلة :

بتغيب أيام كتير ما حدا بيعرف لوين بتروح و بترجع فجأة.. وكل حكيها.. كيف أمك و أبوك و العيلة؟ يا بايخ.. انقلع.. لاتزعل مني عم امزح..
وثقافتها ما بتطلع فوق المتوسطة.. وتفكيرها بالسيارات و التفحيط و المشاكل.. وتمووت على أغاني علي الديك و محمد نور..
ولو حكيت معها عن شي ماركة بتقلك مقاطعة الامريكان.. وضحكتها هيك : هع هع هع .. و دائما بتكتب باللون الأسود .


السمينة :

طباخة ممتازة و بتحب تحكي عن الأكل.. ودائما جوعانة.. ونقطة ضعفها الشوكولا و الإندومي.. وقبل موعد العشا بساعة بيكون مزاجها متعكر ودايخة و بتحكي بدون نفس..
ولما ينادوها للعشا بتسكر الماسنجر بسرعة البرق.. وعادة يكون النك نيم تبعها فريزة الشام أو شوكولا أو رمانة مخصورة..
ودائما بتحكي عن تجاربها الفاشلة بالريجيم .. مستحيل تشوفها بالنهار لانو شوب.. أوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئــة :


عمرها بيكبر وعقلها ما بيتغير.. بتضل طفلة وعلى نياتها.. بتوثق بكل الناس وبسرعة بتتأثر.. وكل يوم تسألك اديش عمرك؟
بتعشق سبيس تون وبينك بانثر و تحب تحكي عن الأزياء والتسريحات.. بتلاقيها وقت العصر و المغرب لأنها بتنام بكير.. ماعدا يوم الخميس طبعا
شعارها الدنيا حلوة.. احيانا بتجيك سكتة قلبية من غبائها ومع هيك هي الأولى بالمدرسة.. لو عطيتها سرك بتفضحك بكل المواقع..
بتخاف من الأرنب والقطة و أي شي يمشي على 4 رجلين.. حتى انت لو تمشي على 4 بتخاف منك .

القبيحة :


اسمها الحقيقي بدرية أو خديجة أو سميحة.. و بالبيت بينادولها الحولة أو الدبة أو ام 44..
وبتجي الماسنجر وتقول اسمي نانسي أو ناريمان أو فاتن أو حلا.. ودائما تنتقد و ما بيعجبها العجب.. و إذا شافتك مشغول بتنزل فيك بهادل و ما بتخلي عليك ستر مغطى ..
واذا عطيتها وش بتتمادى ..
بتحتار كيف ترضيها.. بتعطيها غنية بتقلك ما بحب الأغاني.. بتشبه سنفور غضبان كل شي بيضايقها وكل شي بيزعلها..
بتكره اليسا ونانسي و بتموت بسارية السواس.. ما بتعرف تجامل ولاتمدح إلا حالها.. دائما بتوصف حالها بالجمال والرشاقة.


المتزوجـة :


هي ممكن تكون سبب في كرهك للزواج.. كل حكيها عن مشاكل الزواج والتعب اللي بتتعبو مشان ولادها.. وفجأة بتقلك دقيقة و بتروح تعيط على ولادها و ترجع
وكل يوم بتسألك : ايمتا ناوي تتجوز مشان نفرح فيك ؟
واذا وصل زوجها عالبيت بتسكر الماسنجر بوشك و بتطلع من غير ما تقول باي .. أوقاتها مختلفه مالها وقت محدد..
و بتحط صورة ولادها بالماسنجر( قال يعني بتحبهم ).. شعارها يا ما أحلى حياة العزوبية ..
النك نيم تبعها : المهمومة.. الجريحة.. المهاجرة.. و بتحب تسمع الكلام العاطفي و أغاني عبدالحليم .. مزاجها متقلب مرة بتضحك ومرة بتبكي ..
avatar
مدير المنتدى
مدير المنتدى
تاريخ التسجيل : 30/08/2009
المشاركات : 55
معاينة صفحة البيانات الشخصي للعضو

رد: أنواع البنات على الماسنجر

في 06/09/09, 09:27 am


Smile ههههههههههههههههه Smile

الله يا عبودي من وين ناكش هل البنات وهل صفات عنجد فرطت لألله من الضحك
حلوة وملعوبة والله

Wink
مشكووووووووووور

Wink
[/b]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى